Ministria e Mbrojtjes jep informacione rreth tërmetit në Korçë

17:37 | 31 Korrik 2019
Arbresh.info

Ministria e Mbrojtjes ka dhënë informacion për tërmetin e rënë sot në Korçë që shkaktoi jo pak panik tek banorët.

Duke iu referuar të dhënave nga Instituti i Gjeoshkencave Ujit dhe Mjedisit, Ministria e Mbrojtjes njofton se tërmeti i rënë është me magnitudë 4.7 shkalla Rihter dhe me epiqendër 3.4 km në jugperëndim të Dardhës në Korçë.

Sipas Ministrisë nuk ka dëme materiale. “Nga raportimet e bëra nga strukturat e Emergjencave Civile të Njësive Vendore deri tani nuk ka dëmtime materiale”, njofton Ministria e Mbrojtjes.

Dy lëkundje tërmeti u ndjenë sot në Korçë, e para në 16:21 dhe e dyta në 16:28.

 

Shpërndaje në rrjete sociale

Lajmet më të lexuara

Të ngjashme

Foto lajm